富力樓盤苦主請願 麥玲玲無辜被捲入：我從來無代言過...
著名玄學家麥玲玲捲入樓盤風波，一群在內地置業的小業主因與發展商出現糾紛，部分人指摘曾在2018年5月參與該樓盤活動的麥玲玲「代言詐騙樓盤」、「算錯風水地」。
麥玲玲早前出席《法言人》祝捷活動。
麥玲玲：無為樓盤睇風水
麥玲玲回應有關指控時大嘆無辜：「唉，我從來都唔係佢哋代言人，亦都冇幫過樓盤睇風水。當時我只係接受邀請，出席樓盤嘅講座活動分享基本風水知識。其實年中我都推咗唔少商業活動，尤其地產集團嘅邀請，通常有返咁上下認受性先會考慮，即使唔係做代言人，都會儘可能了解一下公司背景，但佢哋之後嘅銷售手法我真係控制唔到。」
一批富力樓盤苦主近日在灣仔請願，茅頭直指麥玲玲，指她算錯風水地，但其實麥玲玲從未為樓盤看風水。
據悉該集團除邀請麥玲玲外，亦有其他名人及玄學家，如郭晉安、楊思琦、李丞責等參與過不同宣傳活動，而該樓盤的紛爭初步涉及用地條款，與風水無關。雖然麥玲玲無端成為「擋箭牌」，但她直言明白小業主的心情：「佢哋真金白銀買樓，收樓出現問題一定係慘，加上好難搵到發展商出來對質，投訴無門嘅心情我好理解。」麥玲玲希望內地有關部門正視問題，協助苦主解決困難，期望發展商早日與業主解決紛爭，亦表示日後會更小心選擇樓盤活動。
人怕出名豬怕肥 ! 指名道姓，阴公 比人過左一棟 真係唔知點講好 富力的質量出名一般
页:
[1]