「港版羅拉」朱芊佩絕跡幕前 街頭被捕獲近況曝光

「港版羅拉」朱芊佩（小朱）


運輸工人朱芊佩（小朱）外貌標緻、擁有健碩嘅身型，佢從事運輸搬運工作，需要四出送貨，少啲體力都唔得，佢喺2017年被網民拍下工作時嘅照片，隨即引起極大迴響，更被封為「港版羅拉」、「最美搬運工」及「運輸界羅拉」等等。人氣急升嘅小朱仲簽約經理人公司及出席唔同活動及節目，除咗參與無綫節目《女人四十》及拍攝譚詠麟MV《移動人》等之外，佢仲紅到去內地參與節目《送一百位女孩回家2》及相睇節目《新相親大會》，最終同內地播音王子榮迪申配對成功，不過有指二人最終分手收場。

近年朱芊佩已經絕跡幕前，不過最近有網民喺街頭捕獲佢，仲將相片上載到小紅書，相中嘅小朱繼續從事送貨工作，著上小背心及登山靴，將貨物搬来搬去。唔少網民睇完相片後都紛紛留言表示佩服，例如「真的很佩服她 自給自足 開心滿足」、「她很有性格，堅持自我」、「哇她還在做搬運，真的很強大」、「依然很棒 很努力的女孩」及「也是犀利」等等。


「港版羅拉」朱芊珮


小紅書圖片


小紅書圖片

女強人，強人是你，能飛天遁地

外国这种情况可能挺多的

能屈能伸,女中豪傑

自力更生 几好吖 我觉得冇问题

仲man過我咯。。。

靠自己的能力养活自己，不错呀

紅城係灣仔........之前唔係係內地配對成功喇咩?

有腦，做本行先係長久之道，廣告個D當外快咪算