橫琴全亞洲首座電影主題樂園！

想近近哋去珠海玩，唔係淨係得「世界之窗」，近幾年珠海橫琴多咗好多新景點玩！全球首座電影主題樂園獅門娛樂天地就登陸咗橫琴創新方，室內空間佔地達逾2萬平方米，一共有4層，以唔同電影主題分為6大體驗專區，包捨風靡全球嘅電影《飢餓遊戲》、《吸血新世紀》、《分歧者》 等，有成30項遊樂設施任你玩！依家喺Klook購買雙人套票，只係$363，除返開每人只需$181.5，夠晒抵玩！

人均$181.5起任玩6大電影主題體驗館：「吸血新世紀」VR刺激冒險＋「吸血新世紀」動感3D體驗館＋格鬥競技場
以多部電影為主題嘅樂園，喺亞洲確實比較少見。位於橫琴創新方嘅獅門娛樂天地，以6部電影《飢餓遊戲》、《吸血新世紀》、《埃及神戰》、《分歧者》、《非常盗》同《逃亡大計》，作為場內設施嘅背景故事，設有超過 30多項结合 VR、AR、3D 打造而成嘅先進遊樂設施，多媒體視覺效果更係同榮獲奧斯卡最佳特效獎嘅英國Framestore合作製作，結合聲、光、電、霧效果高度還原真實感官！
要講最受歡迎嘅遊樂設施，一定要數「吸血新世紀」VR電單車體驗館。獅門娛樂天地喺場館4樓還原咗電影中嘅福克斯小鎮，玩家可以坐上貝拉嘅紅色皮卡車穿梭唔同場景，喺總長 116 米嘅軌道上，配合故事情節360 度旋轉、前傾、變速同左右搖擺，夠晒刺激好玩！
玩完電單車後，另一必玩項目「飢餓遊戲——極速追擊」，適合大人同小朋友一齊玩。館內設有配置多媒體動感模擬系統，玩家需戴上 3D 眼鏡，通過模擬艙喺離地 4.5 米嘅高台上，體驗6個不同方向嘅搖擺震動，玩足4分半鐘。嫌唔夠刺激？咁就要去玩全球首創以VR造設計嘅室內過山車，以電影《埃及神戰》作為藍本，過山車運行時最快速度達到每秒 10 米，難怪現場尖叫連連！
膽量較大嘅朋友，可以嘗試室內繩網陣《分歧者——深谷勇者挑戰》。繩網陣佔地570平方米，連同地面共3層、8米樓高，內有約一隻鞋寬的嘅高空窄路，同駭目驚心嘅折斷棧道考驗大家的膽量。放心！登上高處前，工作人員會再三檢查大家的安全繩，確保大家的安全。
樂園由刺激到靜態設施都應有盡有，適合唔同年齡層嘅家庭成員，啱晒一家大細、一班朋友前來暢玩！


優惠詳情：雙人 1 日通票｜$363/2位  標準 1 日通票｜$243/位

搵日得閒都去珠海玩一轉先

游乐设施似乎几好喔

好唔好玩嘎，得闲过去行番转。

感觉都系迟下再去好D

未去過呢個遊樂場，遲啲得閒去睇睇