戀講嘢｜港產AV女優第二人Alice自細遭家暴選擇拍AV竟然關...

显示全部楼层 · 发表于娱乐 2023-7-20 08:18:36

《晚吹- 戀講嘢》截圖

由ERROR成員193（郭嘉駿）、譚凱倫、鄭伊琪和郭奕芯主持嘅ViuTV節目《晚吹—戀講嘢》，喺噚晚（27日）請嚟港產AV女優第二人Alice Wong分享佢同前夫嘅悲慘故事及入行經過。

喺節目初段，Alice被問到與前夫嘅相識經過，佢就指當時只有17歲嘅佢同年約30歲嘅前夫喺酒吧邂逅，之後大家交換聯絡方式，再約出嚟食飯。而佢自細仰慕年紀比佢大嘅男人，所以佢哋好快就一齊咗。當時男方有經濟能力照顧佢，當男方知道佢屋企出現問題，又唔想Alice半工讀咁辛苦，所以願意每月大概俾4千至5千蚊資助其生活。

而Alice亦自爆自細遭家暴，爸爸會因為其成績、衣著、夫妻拗撬及情緒激動時打佢，甚至試過叉頸及拎菜刀，搞到佢依家都有陰影，會唔想返屋企。男方當時亦有承諾Alice話將來會帶佢離開呢個屋企，不過佢哋拍拖一至兩個月就意外懷孕，婚後男方露出真本性，並沒兌現之前承諾帶Alice離開屋企，反而係佢自己搬入Alice屋企。另外，Alice亦發現男方喺佢懷孕期間有召妓，而男方亦自爆因解決生理需要而去召妓。

喺生完BB後，男方直指Alice個樣老咗好多及身材走樣，甚至諸多挑剔，唔想同佢發生性行為。之後所發生嘅性行為都係Alice挑逗佢，男方就好似交功課咁草草了事。而Alice亦出於好勝心，為男方努力減肥，務求變回生仔前嘅身形。

被問到二人幾時再有拗撬時，Alice就話有一日前夫公司開始減人工，男方就叫Alice出去打工，不過Alice因工作關係改電話密碼，及被男方誤會Alice同老闆有路，結果二人發生爭執，男方一走了之。雖然男方有提出離婚，但又唔想俾贍養費，所以提出多個理由拖住。成為單親媽媽後，Alice試過銀行戶口係零，之後為咗養活小朋友，佢就開始不停工作，更試過做足20小時。

被問到有咩轉捩點令佢選擇去拍AV，Alice就話當時佢儲到一筆錢，打算休息一至兩個月，期間佢就前往台灣見攝影師偶像兼搵佢拍咗一輯寫真。而偶像除咗係攝影師亦係一名AV導演，當時就問佢有冇興趣拍AV，之後就安排Alice拍AV。至於點解Alice會拍AV，佢就話佢鍾意做呢樣嘢、賺到錢及希望得到別人嘅認可，因為前夫嫌棄佢嘅身形及外貌，同時亦想趁呢個機會俾減肥成果俾前夫睇。現時BB由Alice媽媽照顧，不過佢最想嘅就係搵多啲錢，盡快搬離屋企。

被問到將來嘅發展，Alice就話雖然佢好鍾意呢樣嘢，不過都要轉型，去到25歲如果有人工更高嘅工作，佢就會全面退出AV界。

《晚吹- 戀講嘢》截圖

《晚吹- 戀講嘢》截圖