日本吉卜力公園2大新園區開幕日期、票價公佈

显示全部楼层 · 发表于每日闲聊 2023-7-26 00:37:14

位於愛知縣名古屋嘅「吉卜力公園」喺去年11月開幕，但原來仲有「幽靈之里」、「魔女之谷」兩個園區未開幕，將會陸續於今年同出年正式公開，到時就可以睇到哈爾移動城堡喇！
宮崎駿筆下的動畫深入民心，而吉卜力公園就還原咗好多動畫入面嘅場景，樂園將分成五大園區，其中「青春之丘」、「吉卜力大倉庫」、「Dondoko之森」3大園區已經於2022年11月正式開放，淨返嘅「幽靈之里」、「魔女之谷」開幕日幕亦終於公佈！
「幽靈之里」以《幽靈公主》中出現嘅日式山村風景為靈感，亦會還原「邪魔神」、「乙事主」！乙事主高3.4米，係一座滑梯、邪魔神則高2.8米，fans必打卡！遊客亦可以體驗親手製作「五平餅」。
「幽靈之里」園區將於2023年11月1日開幕，喺2023年11月1日～2024年2月12日期間遊客可使用吉卜力的大倉庫聯票入場！門票售價：（成人平日）2,500円；（成人假日）3,000円；兒童半價。
「魔女之谷」背景來源於魔女，所以呢個園區以歐洲風格為主。其中會還原《魔女宅急便》「歐其諾嘅屋企」、琪琪工作嘅麵包店；《安雅與魔女》嘅「魔女之家」，同埋大家最期待嘅「哈爾移動城堡」！
「哈爾移動城堡」入面仲會還原埋有大壁爐嘅客廳以及哈爾嘅房間，除咗「哈爾移動城堡」之外，仲有帽子店！「魔女之谷」園區會於2024年3月16日開幕，票價同詳情仍然有待官方公佈。