台灣網民票選公認最美香港女星張柏芝僅得第10名第一名...

显示全部楼层 · 发表于娱乐 2023-7-26 08:11:03

台灣網民票選「公認最美香港女星」與香港網民審美觀唔同？張柏芝僅得第10名

有台灣網民近日於網上討論區ptt以「公認最美的香港女明星是誰？」為題出PO，著大家以一人一票選出最美女星：「港女的穿著打扮比台灣高上好幾個檔次，受英國殖民還是有影響，公認最美的香港女明星是誰？」話題引發一眾網民討論，樓主貼出數張張曼玉、關之琳、周慧敏、吳千語、鄧紫棋嘅照片，但網民就對鄧紫棋和吳千語極度質疑，最終結果大部分都係香港8、90年代女神，而且均是40女星，但曾被香港網民票選成「一人一個五官接近完美標準嘅女藝人」冠軍嘅張柏芝就三甲不入，僅得第10名，一齊睇吓喺台灣網民心中邊個最靚啦！

第10位：張柏芝（43歲）
張柏芝父親係上海人，母親則係中英混血兒，所以擁有四分一英國血統，因此具有混血兒精緻深邃嘅五官。雖然已成為三子之母，但身材同樣貌都保養得好好。早前到巴黎出席出席珠寶品牌活動時更被大讚顏值天花板。不過，喺台灣網民眼中，張柏芝僅得第10名，未有好高嘅排名。

張柏芝

張柏芝

第9位：周慧敏（55歲）

有「玉女掌門人」之稱嘅周慧敏獲得眾多網民認同：「留個角，就可以出演真人版小蘭！」每次於社交平台出PO都會令網民關注佢十年如一日嘅美貌；周慧敏曾分享31年前經典劇集《大時代》劇照，被網民激讚係永遠嘅女神

周慧敏

周慧敏於《大時代》飾演慳妹爆紅

第8位：王祖賢（56歲）

王祖賢成為台灣網民心中靚女第8名，不過部分網民質疑其香港女星身份。而事實上，王祖賢當年於台灣出道，但隨即到香港發展，並以電影《倩女幽魂》聶小倩一角紅遍全亞洲，被封「元祖女神」；2004年王祖賢淡出演藝圈並定居加拿大，自此鮮有公開露面。近日，王祖賢被網民野生捕獲請求合照，網民表示王祖賢影相時主動指唔洗用美顏相機，用原相機就可以，對自己美貌相當有信心。

王祖賢被網民野生捕獲請求合照

王祖賢於《倩女幽魂》飾演聶小倩紅遍全亞洲

第7位：黎姿，現名馬黎珈而（51歲）

黎姿（現名馬黎珈而）昔日喺電影《古惑仔》系列中飾演「細細粒」一角深入民心，而且淡出娛樂圈多年仍保養得宜，係許多粉絲心中嘅凍齡女神。而黎姿淡出後轉型至商人，近年更專注打理所引入嘅護膚品牌及Facial療程中心。

黎姿喺《古惑仔》系列中飾演「細細粒」深入民心

第6位：張敏（55歲）

張敏當年憑電影《賭聖》「綺夢」一角大受歡迎，曾與周星馳、劉德華、張學友等合作拍攝多部電影，包括《賭聖》、《與龍共舞》、《逃學威龍》、《新精武門》、《鹿鼎記》、《倚天屠龍記之魔教教主》等，當中更憑《最佳女婿》獲得金像獎最佳新人獎，又因常與導演周星馳合作，被稱為「星女郎」。可惜張敏於2000年代息影，近年定居內地並潛心修佛，僅間中於微博分享生活。去年，張敏現身於內地男星蒲巴甲抖音影片，二人分別著上黑色皮衣造型騎電單車，皮膚依舊白皙，身材保養得宜，與當時37歲蒲巴甲在外貌與上幾乎無太大年齡差。

張敏

張敏 (網絡圖片)

第5位：鍾楚紅（63歲）

鍾楚紅（紅姑）外型亮麗，與周潤發合作演出嘅《秋天的童話》、《流金歲月》、《縱橫四海》深入民心，不過自1994年息影後，行事變得低調，僅間中出席公開活動。而鍾楚紅今年4月份到台灣旅遊時，被台灣米芝蓮主廚分享合照，曝光無濾鏡嘅照片，面色仍紅潤，狀態極佳。

/
鍾楚紅

鍾楚紅於《秋天的童話》演活李琪

第4位：關之琳（60歲）

關之琳雖然已經「登六」，但仍保持住「香江第一美人」嘅稱呼，6月份去睇周杰倫及BLACKPINK演唱會時嘅造型更被網民大讚有少女感，美貌如昔

關之琳

關之琳《甜生廿四味》

第3位：李嘉欣（53歲）

李嘉欣係中葡混血兒，擁有深邃五官，向來有「大美人」之稱，同時被封為「最美港姐」。53歲嘅李嘉欣仍容光煥發，皮膚緊緻，完全唔似真實年紀。

李嘉欣

李嘉欣《賭城大亨II之至尊無敵》

第2位：邱淑貞（55歲）

「元祖晶女郎」邱淑貞拍過《赤裸羔羊》、《賭神2》等多套經典港產片，更有不少性感演出，魅力席捲90年代。即使邱淑貞於4月份到迪士尼樂園玩樂時被發現虎背熊腰，身型略見發福，但素顏上陣嘅仍擁有逆齡靚樣

沈月、媽媽邱淑貞 & 妹妹沈日

邱淑貞

第1位：朱茵（51歲）

朱茵於香港網民票選「五官最完美女星」排行榜排第3，而喺台灣網民心中，佢就係第1名。朱茵1995拍攝在電影《西遊記》系列「紫霞仙子」一角走紅，更曾做過「星女郎」。2021年，朱茵於TVB綜藝節目《童你一起長大了》透過錄影片段向昔日《閃電傳真機》拍檔問好，17歲學生相亦曝光於鏡頭前，力證「零走樣」。

朱茵