武打演員孟海逝世終年65歲

原名孟景海嘅孟海10歲時入行，曾與本地不同年代多位武打巨星合作，包括李小龍、成龍、洪金寶、甄子丹等，參與電影過百套。孟海去年於港台節目《一起走過》話當年，提到客串電影《龍爭虎鬥》係因為偶像李小龍親自欽點，喺片場李小龍又叫孟海跟實。李小龍逝世多年後，其子李國豪亦加入影壇，孟海亦有機會喺《龍在江湖》同佢合作。

孟海其中一套代表作係1985年楊紫瓊主演嘅《皇家師姐》，孟海因該片獲得第5屆香港電影金像獎最佳男配角，仲同另一女角、美籍打女羅芙洛(Cynthia Rothrock)撻著。習武多年嘅羅芙洛80年代被洪金寶邀請來港拍戲，《皇家師姐》係佢處女作，而孟海係該片演員兼動作指導。孟海同羅芙洛本來語言不通，拍戲時仲要靠楊紫瓊做翻譯，但係因為《皇》一拍就半年，孟海同羅芙洛終於日久生情。羅芙洛曾為孟海學中文，但因為學極唔識，於是叫孟海學英文，反而得咗。「孟羅戀」維持5年幾，最終因為羅芙洛想結婚，但孟海唔想放棄事業，戀情終於告吹。
孟海近年甚少幕前演出，對上一次喺電影出現係2014年《一個人的武林》客串監獄湖南幫大佬；另外孟海亦喺ViuTV 2016年嘅開台劇《大衛與瑪嘉烈 綠豆》演潘燦良嘅二叔。

原來愛回家的那個人是演藝世家

熟悉的演员，演过僵尸道长

好似話已經患病有上一段時間 一路走好~

RIP，，，佢好似都係做下把，冇呢d下把，其實亦冇個d大哥，

Josewong 发表于 2023-10-10 19:35
好似話已經患病有上一段時間 一路走好~

去年患上食道癌

好似話已經患病有上一段時間 一路走好~

雖然唔太熟悉，但為香港演藝發展貢獻一生，值得尊敬，R.I.P.

好似話已經患病有上一段時間 一路走好

很可惜, 由小睇佢既片長大, 咁就走左, 人生無常, 希望海哥一路好走