身邊已經有唔少朋友去過USJ嘅超級任天堂世界,大家都話唔夠喉,夏天又有藉口再去,日本環球影城剛宣佈全新夏日活動,『NO LIMIT! Summer』,將於7月5日開始,主打是『Super Mario Power Up Summer』,Mario同Luigi同大家打水戰,有特別版水槍、變色tee,fans一定唔可以錯過。
今年是Mario之年,既有大電影,美國的環球影城的超級任天堂世界亦開幕,日本呢方面就大搞夏日水戰活動,因為疫情而停辦4年的夏日活動,今年將會大搞『NO LIMIT! Summer』,由7月5日至8月24日就是『Super Mario Power Up Summer』,Mario、Luigi等一眾超級任天堂卡通人物同大家玩水戰,庫巴Jr.更會驚喜現身,大家小心其攻擊。
要玩得盡興,大會特別準備水戰工具給大家,有色彩繽紛、火力十足的限量版Mario水槍,還有限定變色tee,原本單色的Mario、Luigi、碧姬公主、超級蘑菇,一經濕水,即添上色彩,跟這個夏日活動襯到絕。