DO姐鄭裕玲開youtube channel 頭炮搵發哥做嘉賓

显示全部楼层 · 发表于娱乐 2023-6-28 00:25:28

DO姐鄭裕玲唔再同TVB續約之後，越來越多新發展。除咗率領5位年青男歌手林家謙、Tyson Yoshi、洪嘉豪、魏浚笙(Jeffrey)同應智越（細貓）為HOY TV拍旅遊節目之外，尋日仲宣布開埋youtube channel 主理節目《The Do Show》。

以DO姐級數，頭炮嘉賓一定唔嘢少。尋日DO姐喺IG發布預告影片，話《The Do Show》第一集會有發哥周潤發！DO姐同發哥80年代喺TVB合作拍過《網中人》、《親情》等劇集，絕對係螢幕經典拍檔，轉戰影壇之後亦時有合作。預告片中，發哥就用圍頭話取笑DO姐「做咗YouTuber之後唔識我，唔返嚟搵我喇」。而DO姐同發哥合演嘅電影《我愛扭紋柴》入面，佢地兩個嘅角色都係出去城市追夢嘅圍村人。
以前DO姐同發哥拍劇都有咀戲，今次兩人同場一樣有彩蛋，互相錫面之餘仲咀嘴，可見感情深厚。即使節目未出街，齋睇預告都好令人期待。