張致恒老婆雯雯拒絕網紅Sean Lam贊助兼去直播踩場 數錢數...

張致恒&雯雯


張致恒（Steven）同雯雯（區燕雯）喺2019年奉子成婚，婚後佢哋生完一個又一個，不過二人屢次傳出離婚消息，被網民指係「離婚KOL」。早前雯雯先再次數臭老公，最新竟然宣佈懷有第四胎，而且BB仲快將出世。另外，雯雯宣布將原有嘅IG關閉，並開設新IG帳戶兼會員制，每月收費為50港幣，用嚟幫佢解決經濟上嘅燃眉之急。

直至現時為止（13日下午5點半），新帳戶已經有108人成功入會，即係已經有$5400進帳，不過呢個新帳戶唔係人人都可以加入，好似富二代兼網紅Sean Lam就被拒諸門外，雯雯唔單止拒絕其贊助，仲封鎖對方賬戶兼去對方直播踩場。

噚日Sean Lam除咗出多個關於被雯雯退款及二人對話嘅Story之外，佢仲好似平時咁開直播同網民互動，期間佢用「50雯」去稱呼雯雯，並話佢喺IG開設會員制係一條財路，之後雯雯用舊帳戶亂入，仲留言：「數錢數到手軟」及「你地俾＄50我只係可以follow，如果想睇我哋嘈交就要俾＄100 」，而Sean Lam就搞笑話呢個生意有潛質上市，雯雯就話：「上市叫咩名好？uglymoney？」，Sean Lam就建議叫「50雯」，唔係咁鍾意「50雯」嘅雯雯就反建議叫：「雯50道陰影得唔得？」



喺直播中，雯雯不時與網民互動，好似佢俾人話係「生仔機器」，佢就回應話：「我做代母有無得諗？」另外，佢仲透露自己嘅預產期係8月，Sean Lam老婆Toby Sin加入直播後同網民齊指餵人奶期間難成孕，之後直播突然變咗「18禁」，因為雯雯留言話「我唔係滴緊，我嗰啲似噴水池」、「我啲奶唔係用嚟餵我啲仔」及「我餵俾Steven㗎咋」。之後雯雯仲叫Toby Sin小心： 「Toby你要小心啲我，一陣食咗阿Sean」及「到時你喊到無用」



Sean Lam 直播

边个來嘅，唔识？

食花生係喇!!!!!!!!!!!!!

张致恒系唔系以前boyz那个啊

香港的標題”過氣男星“。。。

乜水嚟嫁嗰賤人